هل الحب في سن المراهقه حب حقيقي أم مجرد وهم ؟؟؟

كيف حالكم؟

ان شاء الله تمآآآم

هنالك سؤال يطرح نفسه (( ملقووف يعني ))


برايكم الحب اذا كان من سن المراهقه يكون حب حقيقي ولا مجرد وهم؟؟

ولا ممكن يكون حب حقيقي ويمتد؟؟

هناك الكثير يرون ان هذا الحب هو مجرد
اعجاب
او افراغ عاطفه
او حتى اشباع رغبه...


لماذا لايكون هو حب .. وهناك كثير من الدلائل ان شباب وشابات في سن المراهقه تحابوا ومن ثم تزوجوا وهم عائشون أجمل حياتهم الآن....



"علما بأن مرحلة المراهقة هي أخطر المراحل التي يمر بها الانسان حيث انه سينتقل من مرحلة الطفوله الي مرحلة الرجوله " ..


هل الحب يجب أن يكون بعد العشرين !!!

أم أن الحب لايحكمه عمر معين ؟؟

أم إن لايوجد هناك حب في هذا الزمن ؟؟

و هل الحب من طرف الشاب أكثر .. أو العكس؟؟

أم انه الحب لا يعرف شاب .. و العكس ولا يعرف عمر معين ؟؟



دمـتـمـ بود

سلام عليكم أول شي
تاني شي كيفكم ايش اخباركم
والله الكلام عن الحب طوويل وفنظري تافه
بس يلا في ناس كمان لسه مايعرفو الشي دا كمان
ويلا خليني ابدأ كلامي المهم الحب في ناس يحسوه أجمل شعور في الكون وشي مافي زيه
وفي ناس كل يوم لمن يجو بينامو في يمسكو مخدتهم ويتخيلو خيلات فوووق السحاب ومن الحركات هادي عن الحب
وفي ناس ما جربو الشعور دا قصدي الحب ويتمنو أنهم يجربوه ويجرو وراه ويدوروه فكل مكان زي المجانين
ويوصلهم جريهم دا لمشاوير بعيده عن الواقع ول المنطق .
وفي ناس و ناس وناس عايشينو بكل حروفو معنو كلمه من حرفين ومالو مكان أصلا في اللغه للآعراب ويتباهو بيه
ويحسسو نفسهم والي حولهم انهم غير الناس وعايشين أصلا للحب دا وما يقدرو يعيشو بدونه
وفي ناس و ناس وناااس كتيييييييير ماشين ورا الحب ..... أكيد انتو قيد شفتو واحد ول أتنين منهم في مشواركم فالحياه دي
ومو بعيده في منكم كمان الي يحب هنا احنا أوادم طبعا مافي شي ما يغلبنا يوم نتغلب ويوم نغلب عايشين كدا وفي الراضي عن عيشتو وفي الي يقعد يلعن فأهل الدنيا


المهم ونا في نظري انو الحب شي مو حقيقي أبدا شي مختلق أو شي احنا نناديه دايما ونعود نفسنا عليه
لدرجه توصل اننا ما نقدر نتحكم فنفسنا من جد قولت ( كتر الزن يفك اللحام ) يعني دايم نكون وراه ونقعد ندق ندق في باب
الحب لين ما الباب يتفك ونخش فخرايطه أنا أبغا أقول اشياء كتيره في موضوع الحب دا وهوا مووضوع مره كبير
يعني واحد زيي ما يقدر يتكلم فيه بشكل كااااااامل و مرضي المهم الي أبغا أقوله أول شي


أيش الدليل الي العقل يصدقه للحب زي ما الصداقه لها دليل قوي ومستحيل الواحد يقول ما كان في صحبه و زي كدا
يعني عادي تبغو تاخدو الموضع أسئله وأجوبه عشان تتفاعلو هادا أول سئال أما الي بس حاب يقرأ ويطلع الله يحيه
وعلا راسي من فوووق والله تيب السئال
أيش الدليل الواضح للحب الحقيقي ؟؟


ومثلا الصداقه والصبحه دليلها اللي الواحد يستسلم لها أصحاب الرسول
أصحاب الرسول عليه الصلاة والسلام يدل علا ايش كان كل وقته معاهم ياكل معاهم
ويضحك معاهم يطلع الحروب معاهم في الرخا والشده وبشرهم بالجنه كمان هدا يدل علا أيش يدل علا أعلا مراحل الصداقه
والشهامه وهدا شي ما أعتقد انو في أحد يشك فيه من المسلمين


وفي أمثله كتيره في وقتنا الحاضر من الصحبه الي حاب يسمع يقولي بس ونا تحت امره أجبله قصص من جد سارت
بين الأصحاب تدل علا الوفى ونبل المشاعر الي كان بينهم أنا أخترت الصحابه عشان الكل عارف قصصهم وحكاياتهم عن بعض

وعلا فكره !!
( والي ناوي يجبلي دليل يبين الحب شي حيقيقي في أي زمن فات ول دحين ياريت يجيب عشان انا مستعد اجبلو
التبريرات الي خلت الحب دا يستمر وما ينتهي والي يقولي قيس وليلا طيب هدولا لو كان أبو ليلا رضي أنو بنتو تتزوج قيس
كان مافي كتبهم دحين فمكتبة جرير ول تهامه ول أي مكتبه ...)

المهم لو كان الحب شي مخلوق من ربنا فنفوس الأدمين هوا حب الأم لولدها وحب الولد لأمه وحب الله وحب الرسول !

هدا هوا الحب المخلوق من عند الله اما الحب دا الي بين الولد والبنت دا كلو صيحات لشهوه وهبقات لرذيله
أحد يقولي لي الحب ينتهي بعد الزواج << عشان الأشياء اللي الشيطان الكلب الي كان يزينها خلاص سارت فيدو وقدام عينو
الشيطان خلاص يطفش ما يزينها فعين البني ادمي زي أول أول كانو مهم متزوجين والشيطان يزين البنت للولد عشان يغلط
معاها وازا غلط الولد خلاص الشيطان يترقا فشغله لأنه خلص مهمته فأكمل وجه أما لو أتزوجو بالحب الشيطان يبدأ فمهمه تانيه
وأخطر من المهمه الأولى كيف بعد الزواج خلاص علاقتهم مع بعض سارت حلال والشيطان يبدأ الوسوسه
للبني ادمي وتبدأ المشاكل معاهم يشكو فبضع ثقتهم تهتز ممكن بأي شي صغير وما ينعطالو وجه
ويكرهو بعض كمان وأكتر النهايات هادي تنتهي بالطلاق وفي الحالتين الشيطان كسبان وهدا كلو عشان الحب
وعشان كدا يقولو انو 90 % من الزواج بالحب فااااااااااشل

تيب السئال التاني ايش سبب ارتفاع نسبة الفشل الزواج بالحب ؟؟ ليش ليش !


وفي القران الكريم ماقيد جا سيرة حب كاااامله وصريحه ومبنيه علا أسس صح
انا ماني مطوع ولني مقعد بس الواحد في الحياه هادي لاااازم يكون لو خريطه
يمشي عليها ول يضيع دنيتو وأخرتو علا قولهم لا عز في الدنيا ول جنه وفي الأخره
القرأن هوا دليلنا وكفايه الشي دا من عند ربنا وسنة النبي علي الصلاة والسلام
المهم
فقصة يوسف عليه السلام فسورة يوسف ربنا قال معنا الأيه ( فشغفت في حبه فراودته عن نفسها )
حبتو مرت السلطان ماجات تتزوجه راودته عن نفسها يعني الحب شهوه وخلاص طيب خلينا نكمل
السوره لمن هوا رفض طلبها ايش سوت سجنتو عزبتو كم سنه باللهي انتو قولولي الي يحب من جد يعزب ويسجن
هدا مو حب شريف وحقيقي حب شهوه حبت الشهوه منو وهوا رفض فعزبتو
المهم أكيد فهمتو الي كنت قاعد أشرحه الحب ماهو شي الحب خيال الحب الحقيقي هوا بعد الزواج
وما يستمر ابدا مافي حب خلاص تحب ايش فيها جمالها السنين كفيله بذوبان جالمها تعجز وتسير زي القرد وأخس كمان صوتها ازا كحه جاها خلاص الصوت يروح وهدا الشي فيد ربنا
فلوسها الفلوس تروح ياعمي وتجي ما تقعد لو كانت قد جبال الأرض
هنا كمان أقدر احط سئال انتا يلي بتقرأ الموضوع ايش نظرتك للحب بكل صراحه ولا تتأثر بالكلام الي فووق ؟؟


هدا فنظري أنا

الخلاصه من الكلام كلووو والله لو الواحد قريب من ربو ربنا مايحطه في الطريق الغلط أبدا

خليني ادعي فأخر كلامي ياااارب اهديني يااااااااااااااارب أهدي شباب وبنات المسليمن ياااارب سامحنا
ياااااااااارب احنا عبادك ودايم نغلط يااارب ازا تبنا أغفر لنا ذنوبنا

ياااااااااارب انتا الرحمن الرحيم الكريم العزيز الجليل العظيم الجبار القهار المتعالي أهدنا لسراطك
ومعليش عل التطويله الغبيه هادي بس شفت انو كلام مهم
ولازم أقوله لكم

ووأسف مره تانيه وتالته ورابعه