تخيل/تخيلي لو...؟

لكني بطرحه وبقول فيه كلمتين تخيل ؟؟! وتخيلي؟؟!
مع كل من هالكلمتين راح احط موقف واحد للشباب والثاني للبنات ابي اعرف لو انحطيتوا فيهم كيف راح يكون رد الفعل لكم ؟؟
تخيلي لو..؟!!
اليوم انخطبتي واليوم خطيبك او خليني اقول زوجك بثاني يوم ملكة جاي يزوركم ( ملهووف عليك )
وامك ماتقصر عازمته ع العشا..
اكيد انك بتكونين خجلانة لاتاكلين قدامه لانك ماقعدتي معه من ملكتوا لحد وقت العشا ساعة ع بعضها..
وطول ماهو عندك مااكلتي ولما جا وقت العشا كل ماناداك ترديت
..( لا مشكوور،، والله شبعااانة،، لا اصلا انا ماكلة متاخر)..
وانتي اصلا ميتة جووع قعدتوا بالصالة شوي واهلك تركوكم لحالكم وراحوا اللي طلع اذا لك اخوان واللي نام المهم شوي وطلع المعزب بس انه لما طلع نسى ( جواله - بوكه - سويتش السيارة)
ورجع له اما انتي من سكرتي وراه الباب ركض ع غرفة الطعام تاكليين وهو لما رجع ماخذ راحته فتحت له الخدامة لانه عارف انك بتطلعين تنامين ( ع حسب اللي قلتي ) واهلك محد دخل الصالة (محل قعدتكم )مستعجل اخذ غرضه وبطلعته مر من غرفة الطعام وشافك تاكلين بصورة بعيدة كل البعد عن طريقة الاتيكيت اللي قبل ثواني كنتي عليها..
موقفك هنا كيف راح يكوون؟؟
( اعذرووووني ع الاطالة بس حبيت اصور لكم االصورة بالضبط)

والحين اقوول تخيل لو؟؟!
اليوم انت طالع نع مرتك اللي توك مملك عليها (يعني مو من مدة طوويلة) ومامداك تعلم كل اصحابك خاصة اللي انت تقابلهم من فترة لفترة بس لهم الحق انهم يعرفون بزواجك وبسبب الوقت القصير بين الخطبة والملكة صارت مرتك ومو كل ربعك يعرفون!!!
كنت معها في احد المجمعات واعدها تاخذ لها طقم او اي شي ويشوفك واحد من ربعك اللي يعرف بسوابقك بس مايعرف بزواجك .. يجي يسلم عليك ومن ثقتك الزايدة كنت واقف معه ع اساس سلام عادي ماراح يطول ماسك ايدها بس هو كان واقف ع جنب من مرتك ومن اللي قاله ( بسبب الميانة) هاا ؟؟.. هذه اللـ ويغمز لك؟؟؟؟؟؟؟؟؟؟؟؟؟؟؟
الاكيد انك ماعلمتها انك راعي سوابق حفاظا ع الصورة العامة..
وش مو قفك من اللي قاله؟؟ هل راح ترد عليه بالغمزة وتقوله افا عليك انت عارفني مو مال هالسوالف؟؟ او تقوله عيب عليك يارجال هذاك اول الحين عرسنا؟؟
بعدها موقفك مع مرتك!! هل راح تتاكد منها اذا سمعت او لا؟
او بتحاول تفتح معها حووار صريح عشان تعزز الثقة وماتتلاشى ع بداية ظهورها من بينكم ويروح اهم اساسيات العلاقة اللي باقي ماكملتوا بنايتها؟؟؟
( سوووووري ع الاطالة بس نفس الشي حبيت انقل صورة دقيقة)
انتظر ردودكم
تقبلوا تحياتي

والله الصراحه لو سارت فيه الحركه وشافني خطيبي وانا اكل كذا
اقعد القط فوجهي وهو يسيح والقط ويسيح ألى مالا نهايه
لا والعزيمه البعدها أكل معاه ولا اني اتعرض للموقف هذا مره ثانيه
وي فشله

يسلمووووووووووووووووووووو الخفوق علي المشاركه الحلوه